Во вторникот излезе автобиографијата на легендарниот боксер Мајк Тајсон, со наслов „Неоспорена вистина“, во која Тајсон покрај останатото признава и дека се дрогирал пред одредени борби. Британски „Телеграф“ прв ги пренесе најшокантните делови од автобиографијата.
Тајсон пишува дека кокаионот и марихуаната ги користел пред мечот со Лу Савариз во јуни 2000 година во Глазгов, а ги користел се до мечот со Дени Вилијамс во 2004 година, кога доживеа шокантен пораз.
Железниот Мајк во својата автобиографија го опишува и начинот на кој успеал да ја заобиколи анти-допинг контролата која ја тестирала урината по борбата. Тој вели за таа намена користел уред наречен „визер“, лажен пенис кој се користи за фалсификување на урината при анти-допинг тестовите.
„Бев прав наркоман“, пишува Тајсон. Тој во книгата признава дека прв пат употребил кокаин на 11 години. Користењето на кокаинот е главната причина поради која Мајк Тајсон во 2002 на конференцијата за новинарите пред мечот со Ленокс Луис предизвика скандал. Тогаш без никаква причина Железниот Мајк го нападна Британецот и го гризна за ногата.
Уште еден од шокантните факти кои ги открива поранешниот број 1 во супертешка категорија, е дека лажел дека бил излечен од алкохолот иако во јавноста се појавуваше трезен. Тој вели поради прекумерена употреба на алкохол, животот му бил во опасност.
Сепак и со оваа автобиографија, и покрај сите контроверзии во животот и кариерата, тој не признава дека ја силувал Дезире Вашингтон. Во затворот читал класика од светската книжевност но не и делата на Хемингвеј, за кои пишува дека се премногу депресивни.
На крај, Тајсон објаснува и како го изгубил целото богатство кое го заработил. Неговот однос со парите најдобро го илустрира со ситуацијата кога загубил торба со милион долари, или на пример жената која го тужеше дека неговиот тигар ја гризнал (кој Мајки го чуваше како домашно милениче), иако го загуби спорот, од него доби поклон 250 000 долари.