„Не го убив Мајкл Џексон, тој беше зависник. Мајкл Џексон несакајќи го уби Мајкл Џексон“, вели Конрад Мареј, докторот кој неодамна беше ослободен под обвинението дека е одговорен за смртта на „Кралот на поп-музиката“, во интервју за британски „Дејли Мејл“.
Кардиологот вели тој го затекнал Џексон „во време на криза кон крајот на неговиот живот, исполнет со паника и мизерија“, за време на неговите подготовки за концертот во 2009 година.
„На самиот крај, Мајкл Џексон беше скршен човек“, објаснува тој. „Пробав да го заштитам, но наместо тоа паднав со него“.
Мареј својата невиност ја оправдува укажувајќи дека не направил ништо погрешно а се што се обидел да направи е да му помогне на пријател кој го нашол во уништена состојба. За себе, поранешниот доктор на Џексон вели, се смета како жртвено јагне на погрешно место во погрешно време.
Поротата во 2011 година по два месеци судење, заклучи дека небрежноста на Мареј е причина за смртта на Џексон, поради предозирање од пропофол. Во октомври овој месец тој беше ослободен од затвор по две години од одредените четири.