Со резултат од 2:1 за екипата на Украина, заврши и вториот натпревар на Македонската фудбалска репрезентација на Европското првенство.
Во првото полувреме Македонската фудбалска репрезентација губеше со резултат од 2:0, кога Андриј Јармоленко во 29. минута им донесе водство на Украинците. Пет минути подоцна, Роман Јаремчук ја удвои предноста.
Еден гол во 39. минута постигна капитенот Горан Пандев, но поради офсај беше поништен од страна на судиите .
Следниот гол на македонската репрезентација го даде преку Езѓан Алиоски во 57. минута, по одбиената топка, откако во претходниот обид украинскиот голман му одбрани пенал.
Пенал одбрани и македонскиот голман Столе Димитриевски во завршницата кој го одби ударот на Малиновски.
Вечер од 21 часот во Амстердам ќе се одигра другиот натпревар од 2. коло во „Ц“ групата на кој Холандија ќе ја пречека Австрија.
На „Национална арена Букурешт“, македонската репрезентација ја имаа поддршката од околу пет илјади навивачи.
Голманот Столе Димитриевски одбрани неколку шутеви на противниците, за во вториот дел да го запре и пеналот на Малиновски.
– Првото полувреме очигледно беше многу послабо од она што требаше. Во вториот дел ја покажавме нашата вистинска слика, покажавме најдобра игра што можевме на овој европски шампионат. Искрено, не сум задоволен бидејќи не помогнав доволно за да освоиме и прв бод. Сепак, тоа е фудбалот, треба да се бориме до крај, да се бориме до финишот на овој европски шампионат, истакна Димитриевски.
За Нова ТВ од Букурешт: Сашко Ѓ. Димовски