Факт е дека ОБСЕ го демантираше министерот Ивановски за наводна усогласеност на Законот за медиуми, соопшти на денешната прес конференција Јани Макрадули од СДСМ.
СДСМ ја споделува истата загриженоста како и ОБСЕ дека: овој закон отвара можност дополнително да се замолчат критички ставови и да се ограничи слободата на говорот.
Дополнително загрижува амбиентот во кој што се носи овој закон, во услови кога насилно беа исфрлени новинарите од Собрание, има новинар во притвор за објавен текст од 2008 година, остануваат дилемите за загинувањето на Младенов, а партијата на власт продолжува со јавни прозивки на уредници за изнесени ставови.
Затоа,СДСМ бара да се повлечат двата предлог закони, не само заради барањето на ОБСЕ туку заради нас самите и со цел заштита на новинарите и на слободата на изразување како темел на една слободна држава.
Новата верзија, треба да ја:
– Департизира и деполитизира Агенцијата каде што мнозинството членови ќе доаѓа како предлог на независни здруженија
– Нивниот избор ќе биде направен со две третини
– Нема да постои контрола на печатени и електронски медиуми
– Ќе ги избрише одредбите за програмски надзор врз медиумите
– Ќе ги намали предвидените казни, а со тоа ќе се избегне опасноста саморегулацијата да се претвори во самоцензура
– И што е најважно ќе обезбеди заштита на медиумите од преплатените владини кампањи.
Покрај тоа, сметаме дека Јавната расправа е решение само ако биде основа за нов закон, а не само алиби како и другите јавни расправи каде барањата на граѓанските здруженија останаа изгубени по собраниските сали.