„Правото на штрајк е неспорно право, уставно загранатирано, а за тајмингот и околностите најдобро знаат организаторите”, вели генералниот директор и претседател на Управниот одбор на АД „Пошта на Северна Македонија, Јани Мкарадули
Во изјава за Нова ТВ, Макрадули посочи дека во услови на светска криза, раст на цените на енергенси, како и намален сообраќај заради глобални случувања, во овој момент треба да се најде одржливо решение за растот на платите.
– Во таа насока, се одржа минатата недела и трипартитната средба со вицепремиерот Битиќи. Нашиот став е дека одржливото решение, ќе значи зголемена продуктивност, а со тоа и креирање услови за поголема плата. АД Пошта согласно Закон, нема да има плата под минималната и истиот е усогласен за 635 вработени. Покрај тоа редовно се исплаќаат и надоместоците за прекувремените работни ангажмани, вели Макрадули.
Тој потенцира дека раководството на АД Пошта останува посветена на остварување на мисијата за Пошта поблиску до граѓаните, која дава позитивни резултати, показателите се во нагорна линија.
– Покрај тоа, врвен приоритет е обезбедување на подобри услови за работа на вработените. На пример, очекувам на 23 април после 12 години да се избере компанија за набавка на униформи за поштарите, додава Макрадули за Нова ТВ.
Синдикатот на Македонска пошта и Синдикалната организација на А.Д. Пошта на Македонија на 14 април најави генерален штрајк, поради неисполнување на нивното барање за покачување на платите на вработените во ова претпријатие, во износ од 3.000 денари.
Причината за штрајкот, како што посочија од Синдикатот на Македонска пошта, доаѓа по неуспешниот трипартитен дијалог меѓу Управниот одбор на Пошта на Македонија, Владата и Синдикалните организации на Пошта на Македонија.
И.Р.