Малата Матеа (4.5 години) која денеска во 13 часот исчезна во населбата Аеородром е пронајдена, извести мајката Сања на социјалните мрежи и им се заблагодари на сите кои помогнаа да се најде нејзината ќерка.
-Ви благодарам од се срце пријатели, а особено на мојата драга пријателка Сандра, што бевте денеска во мојот најтежок момент во животот и што ми помагавте околу пронаоѓањето на мојата ќеркичка Матеа.
Особена благодарност и до тимот Алфи и цела полициска станица Пролет, кои, иако не во добра здравствена состојба, сепак ми ја вратија жива во моите раце. Овој ден никогаш нема да го заборавам затоа што животот денеска ми се скрати. Ве сaкам сите и секогаш сметајте на мене, не дај боже, во вакви моменти кои никому не би му ги посакала. Благодарам уште еднаш, пиша мајката.
Фотографијата од исчезнатото девојче кое мајката ја постави на ФБ беше споделена речиси илјада пати на социјалните мрежи чии корисници активно се вклучија во споделувањето на апелот.