Со 295 патници и 15 членови екипаж малезиски авион денеска падна во Источна Украина близу руската граница, а се погласни се обвинувањата дека е урнат објави Би-Би-Си. Сепак, и украинската влада и бунтовниците негираат дека авионот е соборен во регионот во близина на руската граница
Авионот на „Малезија ерлајнс“ сообраќал на релација од Амстердам до Куала Лумпур.
Десетици тела се расфрлани низ она што се верува дека се остатоци од авион во близина на селото Грабово јавува дописник на Ројтерс од Украина.
Контактот со летот MH17 е изгубен на 50 километри пред да влезе во рускиот воздушен простор. Тогаш авионот почнал да се спушта, а потоа бил откриен како гори на украинската територија.
Се верува дека руските сепаратисти собориле два украински воени авиона над истиот регион во последниве неколку дена.
Иако засега нема официјалното затворање на украинскиот воздушен простор, германската авиокомпанија „Луфтханза“одлучила да ги пренасочи четирите нејзини летови кои требале да сообраќаат преку Источна Украина.
Експерт за одбрана за Би-Би-Си изјавил дека за соборување на авионот на 10.000 метри (32.000 стапки) би биле потребни проектили со долг дострел земја-воздух, најверојатно водени од радар.
САД ќе има пристап до сателитски снимки кои треба да бидат способни да ги идентификуваат ултра-виолетови облаци доколку бил отпушен проектил на релација земја – воздух.
Мапа од релацијата на која авионот сообраќал
Украина ја обвини руската војска дека обезбедила напредни проектили за бунтовниците.
Малезискиот премиер Наџиб Разак, наводно изјавил дека покрената е итна истрага за несреќата.
Рускиот претседател Владимир Путин пак, веќе разговарал со неговиот американски колега, Барак Обама, по телефон за несреќата, се вели во соопштението на Кремљ.
„Рускиот лидер го информираше американскиот претседател за извештајот на контролорите на воздушниот сообраќај во кој стои дека малезиски авион се урна во Украина, а дојде непосредно пред нивниот телефонски разговор “, се вели во соопштението.
Фотографија од местото на несреќата
Летот MH17 го напуштил аеродромот во Амстердам, денеска претпладне.