Малта обелодени дека е првата земја од Европската Унија која постигнала колективен имунитет против ковид-19, откако 70 отсто од возрасното население примило барем една доза од вакцината, јави Ројтерс.
„Постигнувањето на колективен имунитет е од огромна важност за локалната економија, особено туризмот“, изјави министерот за туризам Клејтон Бартоло.
Во изминатата недела, во земјата беа регистрирани само три нови случаи на коронавирус на ден, а стапката на позитивни тестови падна на 0,2 отсто.
Вакцинирањето е достапно за сите жители постари од 16 години и Фирн кажа дека границата ќе се спушти до 12 години откако Европската агенција за лекови ќе одобри таква вакцина. Тој додаде дека задолжителното носење маска на отворено ќе биде укинато за вакцинираните на 1 јули. Работното време на угостителските објекти е продолжено до полноќ.