Локалните власти во југо-источниот град Мариупол, во близина на границата со Русија, стравуваат дека голем број луѓе загинале во повеќечасовното континуирано гранатирање на градот.
Од таму велат дека бројни цивили загинале како резултат на 14-часовното интензивно гранатирање на градот, кој со денови е под опсада на руските сили. Овој град на брегот на Азовското Море е стратешки важен за Русија, зашто овозможува копнено поврзување на анектираниот полуостров Крим со сепаратистичките трупи во источна Украина.
Заменик-градоначалникот на градот Сергеј Орлов изјави дека една од населбите во градот, кој им е дом на околу 130 000 жители на овој град, меѓу кои неговиот татко, е речиси целосно уништена.
„Не можеме да го потврдиме бројот на жртви таму, но веруваме дека повеќе стотици луѓе се убиени. Не можеме да одиме таму, за да ги земеме телата“ – изјавил Орлов за ББЦ. Според него, руската армија го користи сиот свој арсенал, артилеријата, повеќецевните ракетни системи, борбените авиони и проектилите.
Градоначалникот Вадим Бојченко кажа дека руските трупи ја запреле евакуацијата на цивилното население.