Пратеничката од редовите на СДСМ, Даниела Маркоска реагираше на социјалната мрежа Фејсбук откако во текот на вчерашната собраниска седница се случи инцидент во салата со нејзиниот колега Мицевски од ВМРО-ДПМНЕ.
Народе наш, жени и мажи. Не, пратениците не се бркаа за микрофонот. Не!
Јас бев нападната физички и вербално со цел да ми се одземе правото на збор и со цел ВМРО-ДПМНЕ да спречи граѓаните да ја добијат економската помош од државата!
Координаторот на пратеничката група на ВМРО-ДПМНЕ Мицевски дејствуваше агресивно за граѓаните да не добијат економски мерки и за да ми го одземе правото на збор. Притоа Мицевски ме вознемири!
Ова е класично вонземирување од позиција на лажна опозициска моќ. Но во ова нивно однесување се крие нивната НЕМОЌ!
Агресивноста на ДПМНЕ повторно ќе биде казнета од народот, напиша Маркоска на Фејсбук