Социјалдемократскиот сојуз на Македонија најавуваат дека во недела ќе организираат голем протестен марш низ улиците на Скопје под мотото “Марш за вистината против партиско- полициската држава”. Маршот ќе започне во 12 часот, во населбата Тафталиџе, а се планира да заврши пред зградата на Министерството за внатрешни работи.
Пратеникот на СДСМ Андреј Петров упати повик до сите граѓани кои се подржувачи на демократијата и слободата, да се придружат на опозицискиот марш каде што заедно ќе го искажат својот револт против оваа недемократска влада.
Оваа власт одбива да ја преземе одговорноста за настаните на “црниот понеделник “, за брутално суспендирање на демократијата во земјата и одбива да покаже волја да Македонија повторно се врати на демократскиот колосек. Поради сето тоа движењето на отпорот станува се посилно и посилно, рече Андреј Петров.