Матичните лекари најавуваат тричасовен протест во септември, незадоволни од капитацијата (одредена сума која матичните лекари ја добиваат од Фондот за здравство по пациент). Како знак на протест најавуват тричасовно неиздавање рецепти за лекови и неиздавање упати на пациентите. Лекарите бараат зголемување на капитацијата и да се воведе партиципација за пациентите.
-При крај на август ќе имаме состанок и тогаш ќе одлучиме кога ќе биде протестот. Целта ни е да го свтриме вниманието на јавноста, во октомври кога се прави буџет да не стават во таа рамка. Тоа ќе биде крик за спас на примарното здравство бидејќи лекарите се незадоволни, но и да го спречиме одливот на лекарите во странство кои заминуваат од земјава, изјави за НОВА Лилјана Чолакова Дервишова, претседател на Здружението на приватни лекари.
.jpg)
Таа вели дека само во последните две година во странство, на работа заминале над 200 лекари.
-Треба со надлежните заеднички да направиме план, дали лекарот ќе зема плата од 40 000 денари исто како и судиите, а сестра 25 000денари, потоа како ќе се подмируваат другите давачки што ги имаме. Не ни е целта да ги оставиме пациентите без лекарски прегледи, туку да се подобри финансиската состојба бидејќи ништо не е сменето од 2011, само се намалува приливот на пари, а имаме четири нови давачки . Ситуацијата станува неиздржлива, еве сега на рати треба да исплаќаме К-15, а казните се големи, вели Чолакова-Дервишова.
Таа потенцира дека два пати барале прием кај премиерот Груевски, но од кабинетот им било одговорено дека нема време да ги прими.