Меѓународниот комитет на Црвениот крст соопшти дека смета дека Украина e во граѓанска војна и ги повика двете страни да ги почитуваат законите на војната бидејќи се цивилите на удар.
Оваа формална класификација значи дека учесниците во борбите меѓу украинскиот сили и про-рускиот активисти во источниот дел на земјата би можел да бидат гонети за воени злосторства во меѓународните судови, пренесе АФП.
„Борбите во источна Украина продолжуваат да им наштетуваат на цивилите, ги повикуваме сите страни да се придржуваат кон меѓународното хуманитарно право, познат како законот за вооружени конфликти“, објави директорот на операции на МКЦК, Доминик Стилхарт.
„Овие правила и принципи се применуваат на сите страни во немеѓународни вооружени конфликти во Украина и наметнуваат ограничување на начините и методите на војување, кои можат да ги користат“, додаде тој.
Црвениот крст го користи терминот “немеѓународен вооружен конфликт” за граѓанските војни, потсетува на француската агенција.
МКЦК го зема во предвид спроведувањето на Женевската конвенција, која ги содржи правилата на однесување во конфликтот.
Оваа организација нагласува дека меѓународното право обврзува завојуваните страни да го почитуваат и штитат цивилното население и оние кои не учествуваат, или веќе не учествуваат во непријателски активности, вклучувајќи ранети и заробени, да бидат третирани со достоинство.
Црвениот крст укажува дека законите на војната бараат преземање на “сите можни мерки” со цел потрага по телата на загинатите, за да се спречат кражби на нивните лични предмети и телата да бидат екстрадирани кај семејства заради погреб.