Меѓународната конференција за Сирија „Женева-2“ ќе се одржи на на 22 јануари, соопшти денеска генералниот секретар на Обединетите нации, Бан Ки Мун.
Претставниците на сириската Влада и вооружената опозиција, ќе се состанат за првпат од почетокот на тековната граѓанска војна во Сирија, што трае веќе 32 месеци.
Ки Мун состанокот го опишува како „мисија на надежта“.
Обединетите Нации, Русија и САД се обидуваат да ја организираат „Женева-2“ од мај оваа година. Јули годинава, во Женева беа одржани две рунди подготвителни консултации кои не вродија со плод, при што главните разлики беа поврзани со тоа кој треба да учествува на конференцијата.
Москва инсистира да учествува Иран, што наиде на протест кај земјите од Западот. Засега сеуште не е познато и кој ќе ја претставува сириската опозиција.
Според податоците на ОН од почетокот на конфликтот во Сирија во март 2011 година досега загинале повеќе од 100.000 лица, бројот на бегалците достигна над два милиони, додека пет милиони се внатрешно раселени.