Лионел Меси веќе е на пат за Париз каде треба да ги мине лекарските прегледи и да го потпише двегодишниот договор со ПСЖ. Платата ќе му биде 35 милиони евра по сезона, исто толку ќе добие бонус при самиот потпис.
Аргентинецот ќе игра во ПСЖ во наредните две години откако стана јасно дека не го продолжува договорот со Барселона, но за разлика од неговиот татко, Лео беше мирен при пристигнувањето на аеродромот и не испрати никаква порака кон присутните новинари кои побараа одредени одговори.
„Да“, одговори Хорхе Меси, таткото на Лионел на прашањето дали Меси потпишува за ПСЖ, по што додаде одговор околу заминувањето на Лео од Барселона да се бара од управата на Каталонците.
Голем број медиуми објавија дека тој го одбрал бројот со кој ќе игра – 30-ката, а за Меси да ја добие оваа бројка ПСЖ ќе мора да бара специјална дозвола и тоа ако Лига 1 се согласи да прифати, зашто овој број заедно со броевите 1 и 16, се „исклучиво и нужно резервирани за голманите“.