Сашо Мијалков вечера вечер излезе од затворот Шуто Оризари и ќе оди во домашен притвор. Судијката Весна Димишкова го прифатила предлогот за куќен притвор на Специјалното јавно обвинителство.
Ексдиректорот на УБК, Сашо Мијалков беше во притвор прво поради случајот “Таргет-Тврдина”, потоа остана оти СЈО мислеше дека ќе избега како осомничен во случајот “Империја.
Предлогот на Специјалното јавно обвинителство за определување куќен притвор на ексдиректорот на УБК, претходно денеска беше доставен до Основниот суд Скопје 1 Скопје.
Кривичниот суд вчера го врати на доработка предлогот на СЈО на доуредување бидејќи истиот бил некомплетен. Со ова сите осомничени за случајот “Империја” се во куќен притвор.
Во предметот „Империја“ истрагата опфати 13 лица. Првично притвор им беше определен на бизнисменот Јордан Камчев, неговите соработници Ненад Јосифовиќ и Зорица Арсовска, директорот на „Пелагонија“, Цветан Панделески, и директорот на фирмата „Ексико“, Тодор Мирчевски.
Специјалната јавна обвинителка, Катица Јанева, во интервју за Канал 5 ја објасни одлуката за домашен притвор на Сашо Мијалков, Миле Јанакиески и Кирил Божиновски.
„Убедени сме дека Мијалков, Јанакиески и Божиновски нема да се дадат во бегство затоа побаравме за нив домашен притвор“, истакна Јанева за Канал 5.