СДСМ денеска на официјалниот профил објави дека стапил на функција новиот генерален секретар на партијата, Миле Зечевиќ.
Зечевиќ беше избран за генерален секретар на последната седница на Централниот одбор на која беа избрани и потпретседатели на партијата, како и нов состав на Извршниот одбор.
Лидерот на СДСМ, Димитар Ковачевски од новиот тим очекува чесност во работењето, ефикасност и одговорност:
– Тимот е избран врз основа на основите за кои се залагав во програмата и во самото презентирање на мојата кампања, а тоа е дека ќе бидат стручни и ефикасни во извршувањето на своите одговорности. Тоа го побарав од сите пред да бидат практично номинирани. Очекувам со својата одговорност и чесност дека ќе дадат пример во работењето на партијата, но и во институциите во кои ќе бидат. Да бидат првите кои што ќе покажат чесност во работењето, а не само да се зборува за реформи, за спроведувањето на правдата и правото во државата, изјави. Ковачевски.