Љубомир Костовски: Утре стартува учебната година. Министерката одржа прес од кој, ако добро чув е најавено дека ќе има учебници по странски јазик. Лани таа рече дека децата го учеле јазикот од филмови и други средства за комуникација. И остана жива! Па тогаш не им требаат ни професори, нели. Море да го укинеме и Филолошки…После таа изјава во нормална земја би требала да не се појавува во кабинетот каде и денес седи. Ама, ако веќе тогаш се немало слух, би требало барем денес да се посипе со пепел и да си замине.
Но, ВМРО се знае како ги бира министрите – треба да одговорат на задача и да не поцрвенеат. Да издржат кога им се смеат или лутат. Таа дала збор дека ќе го скуси трошењето за толку и толку милиони евра и си тера. Па во предизборие вети дека главна ставка ќе и биде студентскиот стандард и студентските домови ама една од првите работи што се обиде да ги укине беа студентските автобуски билети.. Потоа скуси на хранарината. Домовите стојат без ѕидари и натаму. Да не беа протестите во Србија на студентите нашите високошколци ќе останеа и без превоз и без храна…. Сега се говори за количина на учебници кои нема да пристигнат на време бидејќи ги има многу што технички е неможно да се дистрибутираат. Абе што збори министерката, се преслушува ли дома?
Што се однесува до учебниците не добивме образложение како и зошто се враќаат во училишните клупи.
Па, впрочем таа не трепнува кога говори за било што.
Извор: Фејсбук