Во 150-те книги за кои Министерството за култура ќе потроши околу 1 милион евра, ќе се изготвуваат биографии за Маршалот Тито, Александар Македонски, Петар Велики, па се до Карлос Слим, најбогатиот човек во светот, објавува А1он.
Покрај биографиите на комунистичките лидери од типот на Тито и Хрушчов, Министерството предвидува простор и за речиси сите американски претседатели, се до животните приказни на основачите на Твитер како и на Амазон.
Во конкурсот се наведени и книги за научници, писатели, режисери, музичари. Меѓу нив две книги за Пабло Неруда, а Владата ќе финасира и две книги за Јосип Броз Тито.
Според предвиденото сумата од речиси 1 милион евра државата ја предвидува за издавачки и печатарски услуги. Според објавениот конкурс книгите ќе се издаваат во текот на три години.