Мирен протест денеска кај „Сити Мол“, каде загина 24 годишната Викторија Николова

0
By on ВЕСТИ, ПОЛИТИКА

Достоен јавен собир каде што ќе оддадеме почит кон Викторија Николова како последна жртва во ваквото сообраќајно насилство, а воедно и ќе оддадеме почит кон сите жртви во вакви и слични сообраќајни несреќи, стои во поканата на Фејсбук

На булеварот „Партизански одреди“ денеска од 12 до 13 часот ќе се одржи мирен јавен собир кај „Сити мол“, каде пред 10 дена загина 24-годишната Викторија Николова. Собирот го организира момчето на Викторија кое беше лесно повредено во истата сообраќајна несреќа.

„ Мирен протест во знак на револт кон сообраќајното насилство и начинот на кој се третирани пешаците и сите учесници во сообраќајот, кои се придржуваат до правилата, а со последната трагедија каде што на 20.01.2022 згасна млад живот, згасна надежта Викторија да ги оствари своите соништа, стои во онлајн закажаниот настан на социјалната мрежа Фејсбук.

Во поканата до корисниците на социјалната мрежа се вели:
 „Достоен и јавен собир каде што ќе оддадеме почит кон Викторија Николова како последна жртва во ваквото сообраќајно насилство, а воедно и ќе оддадеме почит кон сите жртви во вакви и слични сообраќајни несреќи. Нашата цел е единствена, а тоа е да се стави КРАЈ на бeзобзирното возење ни улиците во државата и да ја подигнеме свеста на учесниците во сообраќајот дека нашите деца, а и самите ние треба да се движиме слободно на пешачките зони и по тротоарите, зато што тоа е единственото место каде што пешаците треба да се чувствуваат слободно“, стои во поканата на Фејсбук.

 

Share.