Првата дама на САД Мишел Обама одлучи да не стави шамија на главата при посетата на Саудиска Арабија каде што го придружуваше американскиот претседател Обама по смртта на кралот на оваа држава.
Овој чекор беше веднаш осуден на социјалните мрежи во Саудиска Арабија како “гест што не може да се прости”.
Во оваа земја сите жени носат шамии иако понекогаш од ова се исклучуваат странски посетителки кои сепак, најчесто, ставаат шамии да за не ги шокираат домаќините.
Мишел Обама се појави без шамија што, можеби, може да се протолкува како протест за неповолната ситуација на жените во Саудска Арабија. Организациите за одбрана на човековите права редовно потсетуваат дека жените во оваа земја не смеат да возат ниту пак да патуваат или да се оперираат ако за тоа не добиле дозвола од машки член на семејството или тутор.
Раководството на Саудиска Арабија не реагираше на гестот на Мишел но некои одбија да ја поздрават со ракување.
На социјалните мрежи се појави хаштаг #ميشيل_أوباما_سفور (Мишел Обама без шамија). Многумина ја критикуваа потсетувајќи дека таа имала шамија при други посети на муслимански земји и дека тоа е навреда за починатиот монарх, но други го поздравија овој гест на првата дама на САД.