Претседателот на ВМРО-ДПМНЕ, Христијан Мицкоски, во гостување на Радио Канал77 говорејќи за преговорите со Бугарија, нивните барања ги оцени за максималистички.
„Бугарските барања како услов за тргање на ветото за отпочнување на преговорите на Македонија со Европската унија се максималистички, наспроти очекувањата на пошироката јавност, премиерот Петков има потврди позиции дури и од поранешниот министер во владата на Бојко Борисов, Красимир Каракачанов, изјави Мицкоски.
Мицкоски додаде дека тоа значи дека, трите услови кои што ги поставува бугарската страна како, почитување на бугарската Декларација, внесување на Бугарите во македонскиот Устав и Договорот за добрососедство да влезат во преговарачката рамка, тоа ќе значи дека при евентуално отпочнување на преговорите во секое поглавје да можат да не блокираат.
„Петков излезе, според мене, со изјава потвдра дури и од позициите на Каракачанов. Тој даде изјава од три дела и вели вака, имаме три услови. Првиот услов е Декларацијата на бугарскиот Парламент да се почитува, тое е од ноември 2019 година, што е катастрофално. Второто е, Бугарите да бидат дел од уставот и третото е Договорот за добрососедство“, рече Мицкоски
Тој дури и најави можност како партија која кога би дошла на власт, немало да го почитува договорот кој евентуално би бил склучен, доколку тој е штетен за македонските интереси.