Претседателот на Вмро Дпмне Христијан Мицкоски со пост на неговиот ФБ профил, објави дека Регулаторна комисија на седницата одржана на 3 август ги зголемила цените на нафтата и бензините.
Во постот на ФБ тој објаснува, според него како дошло до покачувањето.
-Ако се споредат одлуката на Регулаторна од 3 август ( слика 1 и 3) и одлуката од 26 јули (слика2), член 7, ќе се заклучи дека акцизата за дизел горивото е зголемена од 15,5 на 17,5 денари за литар, дополнително на тоа се додава и 18% данок на додадена вредност. Граѓаните и стопанството поради овој потег на Регулаторна а по налог на коалицијата СДСМ/ДУИ ќе плаќаат поскапо дизел гориво, наведува Мицкоски.
Тој смета дека власта ова го правела зашто немала пари за институционален поткуп, зашто ги потрошила на скапи проекти со големи провизии. Мицкоски додава дека со плаќањето на поскапо гориво, парите ќе завршеле во буџетот а потоа истите преку министерството за труд и социјала, ќе биле поделени во форма на социјални пакети барајќи поддршка за следните локални избори.
-Земете се што ќе ви понудат,тоа се ваши пари, советува Мицкоски на својот ФБ профил, па одлуката потоа е ваша дали ќе им дозволите да продолжат со криминалот или шансата ќе ни ја дадете нам за да покажеме дека ние и вие и Македонија можеме многу подобро.