Градоначалникот на Аеродром, Тимчо Муцунски, и поранешната дополнителна заменичка-министерка за финансии Гордана Димитриеска-Кочоска ќе бидат двајцата нови потпретседатели на ВМРО-ДПМНЕ, покрај досегашните, Александар Николоски и Владо Мисајловски, изјави Претседателот на ВМРО – ДПМНЕ, Христијан Мицкоски.
– Потпретседатели на ВМРО-ДПМНЕ продолжуваат да бидат досегашните Владо Мисајловски и Александар Николоски. Борци против оваа неправедна власт и сметам дека ова е добар тим кој опфаќа повеќе области, релативно млади луѓе со богато искуство зад себе, истакна Мицкоски.
Според него, генерален секретар продолжува да биде Горгија Сајкоски, долгогодишен член на ВМРО-ДПМНЕ, пратеник во сегашниот состав на Собранието чија задача е организацијата на партијата и подготовка за предвремените парламентарни избори.
– Нов член на Извршниот комитет е аналитичарот и долгогодишен граѓански активист Сашо Клековски. Маја Кадиевска-Војновиќ поранешна вице гувернерка на Народна Банка на Македонија и професор на Американ Колеџ. Во овој состав на Извршниот комитет вегува и доцент доктор Ристо Симеонов, додаде Мицкоски.
Нов член на Изврниот комитет е и доктор Мевмет Џафери од Маврово Ростуше, пратениците Ели Панова која доаѓа од Струмица и Миле Лефков од Кочани. Тука влегуваат и Луке Галески, актуелен директор на Центарот за комуникации на ВМРО-ДПМНЕ и актерот Зоран Љутков, кој е од Велес каде е и претседател на советот на општината. Нов член на Извршниот комитет е и Марија Митева, актуелна портпаролка на ВМРО-ДПМНЕ.
Воедно членови на Извршниот комитет остануваат да бидат и досегашните членови.
– Пратениците со сериозно политичко искуство Антонио Милошоски, Дафина Стојановска, како и пратеникот Драган Ковачки кој е и полковник во Армијата на Македонија. Членка на Извршниот комитет продолжува да биде пратеничката Рашела Мизрахи, докторот Олга Лозановска од Битола. Во Извршиот комитет останува и професор доктор Трајко Славески кој е и претседател на советот на град Скопје, како и човекот со богато искуство зад себе Влатко Ѓорчев, градоначалникот на Охрид доктор Кирил Пецаков како и докторот Марија Андоновска, која е и координатор на советничката група на ВМРО-ДПМНЕ во градот Скопје, потенцира Мицкоски.
По функција членови на највисокото извршно тело се и претседателот на УМС Сергеј Попов, претседателката на УЖ Жаклина Пешевска, и првиот човек на Унијата на ветерани Мане Јаковлевски. Нов секретар за меѓнародна соработка е Стефан Андоновски, кој е и актуеен советник во градот Скопје. За шеф во кабинетот на Мицкоски е избран Владимир Неловски.