Под мотото „Вистински претседател, а не безгласна буква“, Локалниот клуб на СДММ од Прилеп на градскиот плоштад организираше политички перформанс.
На симболичен начин, преку истакнување на главните пораки кои претседателските кандидати Стево Пендаровски и Ѓорге Иванов во текот на изборната кампања им ги упатија на граѓаните, младите прилепски социјалдемократи покажаа каков претседател на државата сакаат.
„Младите не сакаат држава која ќе биде окована во минатото, туку промени за прогресивна и развиена Македонија. Мојот претседател ќе ја извлече земјата од агонијата и ќе застане против егзодусот и иселувањето на младите. Мојот претседател ќе биде силен глас и сојузник на младите, а не безгласна буква и пион на власта. Стево Пендаровски е човекот предвесник на ваквите промени, мојот претседател кој ќе биде вистински чувар на уставот, столб на мирот и стабилноста“, порачаа од ЛК на СДММ од Прилеп.
.jpg)
Воедно, тие ги повикаа граѓаните на Општина Прилеп да им се придружат на вечерашниот собир, на кој ќе говори кандидатот за претседател на Република Македонија, Стево Пендаровски. Почетокот на собирот е закажан за 19.30 часот, на градскиот плоштад „Методија Андонов Ченто“.