Начинот на известување на провладините медиуми во текот на март и почетокот на април потврдува дека јавниот имиџ на владејачката партија ВМРО-ДПМНЕ и особено на нејзиниот лидер Никола Груевски целосно зависи од сликата што медиумите ја презентираат во јавноста за нив и за нивните политички опоненти.
Ова го покажува четвртиот месечен извештај од следењето на медиумските содржини, што го спроведува Институтот за комуникациски студии (ИКС) во рамките на проектот МОДЕМ – Мониторинг на демократијата во Македонија.
Според анализата, во стратегијата на политичка комуникација што владејачката партија ја практикува преку највлијателните телевизии е клучна улогата на партискиот лидер, поради две причини:
1. Во услови на медијатизација и популаризација на политиката успехот на лидерите на популистичките партии директно зависи од тоа каква слика за нив медиумите ќе и претстават на јавноста; и
2. На популистичките и авторитарните партии им е потребен силен лидер околу кој партијата цврсто се организира и кој ги претставува и распространува пораките и имиџот на партијата.
Заклучоците од анализата може да ги прочитате тука.