Членовите на Советот за радиодифузија сѐ уште не расправале за незаконското емитување на аналогниот сигнал од страна на МТВ.
Ниту на денешната седница – МТВ не беше точка на дневен ред, јавува Алсат-М.
Претседателот на Советот, Зоран Трајчевски, одби да зборува пред камерите и да објасни кога и дали тие ќе расправаат за МТВ. Без конкретно да каже зошто се одлоговлекува расправата за МТВ во Советот и зошто се дозволува јавниот сервис да работи спротивно на законите – Трајчевски зад камерите на новинарите им порача медиумите во кои работат да си направат добра програма ако сакаат да бидат гледани.
Пред скоро три недели, на барање на заменикот претседател на Советот за радиодифузија Миљаим Фетаи, од МТВ беше побарано да достави извештај за тоа дали, каде и зошто емитува аналоген сигнал, по што беше најавено дека членовите ќе го стават на разгледување на седница. Но, досега тоа не се случи.
Ниту МТВ доставила извештај, ниту пак, Советот за радиодифзија се произнесува за незаконието. Фетаи, сега најавува дека повторно ќе побара, проблемот да биде ставен на дневен ред на седницата за два дена.