Здружението на издавачи на РС Македонија додели прва награда за најдобро ликовно-графичко обликување и дизајн на книга-едиција меѓу двата саеми, за мографијата„ПОП ГЛАМ-ГЛИГОРОВ“на авторот, академскиот сликар Златко Глигоров. Издавач на монографијата е „Пагома-прес“, Скопје.
На Меѓународен саем на книгата под мотото „Читај“учествуваат околу 70 издавачи од Македонија, Србија, Косово, Албанија, Унгарија, и Данска.
Од сликовниците, „Светот на Биби од А до Ш“ ја доби наградата за најдобро илустрирана книга или сликовница меѓу двата саеми, која ја додели Здружението на издавачите и книжарите. Автор на илустрациите е Михајло Димитриевски-Тхе Мичо, а на текстот е Билјана Црвенковска.
Втората награда во оваа категорија ја доби „Илустрирани приказни од Шекспир“ на „Просветно дело“ од Скопје, што ја уреди Ана Иванова, а илустрациите се на Ана Григорјев. Третата награда ја освои „Среќен роденден“ од Ели Маказлиева. Илустратор е Игор Јовчевски, а изданието е на „Едука мак“ од Скопје.
Саемот трае до утре, а се одржува во ВИП арената „Борис Трајковски“ во Скопје.