Москва: Руски генерал е убиен во експлозија на неговиот „автомобил бомба“

Руски генерал е убиен утрово во експлозија на автомобил бомба во Москва, соопшти Истражниот комитет на Русија, пренесува АП.

Генерал-потполковник Фанил Сарваров, началник на Дирекцијата за обука на рускиот Генералштаб, е убиен, соопшти комитетот.

Според истиот извор, една од можностите што се истражува е дека бомбата била поставена од украинските тајни служби.

Според Некста, силната експлозија се случила покрај станбен комплекс. Направата, која била поставена под автомобилот, експлодирала штом Сарваров го запалил возилото.