Граѓанската асоцијација МОСТ со околу 130 набљудувачи ќе го набљудува утрешното прегласување на 29 избирачки места во општина Центар, девет во општина Струга и на едно во општина Ѓорче Петров, како и вториот круг на гласањето на 20 гласачки места од вкупно 39 во Долнени.
Покрај овие набљудувачи, МОСТ ќе има распоредено и мобилни тимови, кои ќе служат како логистичка поддршка на статичните.
МОСТ покрај гласањето во недела, го набљудува и денешното предвремено гласање во четирите општини.
Проектот „Домашно набљудување на Локалните избори 2013“ е реализиран од страна на Граѓанска асоцијација МОСТ и е поддржан од Швајцарската агенција за меѓународен развој, Амбасадата на Сојузна Република Германија, Амбасадата на Обединетото Кралство на Велика Британија и Северна Ирска, Амбасадата на Кралството Холандија и Амбасадата на Кралството Норвешка од Белград, Србија.