„Кога зградите би зборувале“ е колаборативен проект кој ги разоткрива деликатните, скриени траги од бришењето на колективната меморија на локалната историја, сето тоа прикажувајќи го преку конкретни примери на урбани простори (комплекс на згради и нивното опкружување) кои се/биле значајни обележја во одреден град или област.
Станува збор за повеќеслоен и мултидисциплинарен проект кој подразбира истражувачки процес обликуван во форма на перформанс на уметникот Филип Јовановски во соработка со архитектот истражувач Дејан Ивановски како и конференција и публикација, сето тоа курирано од Ивана Васева. Актерки: Сања Арсовска, Кристина Леловац, Јасмина василева, Долорес Поповиќ.
Во центарот на овој проект е Железничка зграда во Скопје, уникатна зграда во Скопје градена кон крајот на 40-тите години на минатиот век, пример за социјално живеење и делување која во своите рамки вклучува и кино и периметаски блок кој уоквирува двор.
Проектот е дел од фестивалот „Млад отворен театар“ во Скопје, во рамки на придружната програма и е во соработка со проектот „Културни простори за активни граѓани” во партнерство со ЛОКОМОТИВА – Центар за нови инцијативи во културата и уметноста
Овој проект може истовремено да биде проследен само за 32 присутни во публика. Тие кои сакаат да присуствуваат нека пишат на aktofestival@yahoo.com, додека сите информации ги има на сајтот на МОТ- http://mot.mk/42mot2017/koga-zgradite-bi-zboruvale/ .