САД сметаат дека е можно светските сили и Иран да постигнат договор за нуклеарната програма на Техеран за време на следниот круг од преговорите, пренесува Македонската информативна агенција.
Висок претставник на американската Влада изјавил дека не знае дали ќе се склучи договор, но тдека е сосема можно.
– Се уште останува да се разгледаат сложените прашања од преговорите, вели високиот американски претставник.
Тој, исто така, потврдил дека на 20 ноември, пред почетокот на официјалните преговори, високата претставничка на ЕУ за надворешна политика и безбедност Кетрин Ештон ќе се сретне во Женева со иранскиот министер за надворешни работи Џавад Зариф. Следниот ден, на 21 ноември, започнуваат преговорите меѓу Иран и петте постојани земји членки на Советот за безбедност на ОН и Германија.
На преговорите ќе учествуваат замениците министри за надворешни работи на „шесторката“. Се уште не е познато дали државниот секретар на САД, Џон Кери повторно ќе ја посети Женева.