Љубомир Костовски: Каков треба да биде наративот од извештајот за протестите во населбите Аеродром и Ново Лисиче? Па да погледнеме на програмата на МТВ. На утринските вести денес (10 часот) се даде веројатно вчерашен извештај за овој настан со масовно учество на граѓани.
Според дрективата масата народ не смее да се види. Сторено! Издвоени се три лица далеку од самиот настан. Првите двајца кажуваат општо и куси фрази за загрозеноста на здравјето, а третата соговорничка беше клучна – ги нападна сите политчки партии (!) кои само ветуваат дека ќе го решат проблемот (на Варадариште) ама никој ништо не направил. Акцентот на целиот извештај е – НИКОЈ! Да се растовари малку гневот од грбот на актуелниот градоначалник кој имаше време последен да стори НЕШТО, а не направил ништо. Истиот ветуваше дека на местото каде има 10 тони ѓубре, кое преку намерно палење се ослободува од непрофитабилниот дел, а остануваат само металите кои имаат пазарна вредност, остануваат на место и нема ништо од ПАРКОТ ЗА СИТЕ ГРАЃАНИ.
Е тоа се вика алиби извештај со никаква штета по актуелната власт, што е суштината на моделот за правење вест за актуелен настан. Потоа следи партискиот лекар Чибишев од Токсикологија кој кажа неколку реченици (или толку беа презентирани) ама ништо многу алармантно за да не се подигнува уште повеќе тензијата…
Извор: Фејсбук