МРТ нема никаква врска со туристичката стража која била облеченa во попска облека на Плоштад Македонија, се вели во денешната реакција од Македонската Телевизија.
МРТ остро ги осудува ваквите објави од страна Детскиот Културен Центар, со образложение дека МРТ не стои зад организацијата и планирањето на било какви активности од ваков тип.
„Единствено МРТ се стави во служба да помогне и да стави на располагање дел од свите костимографски капацитети на Детскиот Културен Центар на нивно барање и иницијатива, како и целосна слобода да одберат по нивна желба костими од фундусот на МРТ. Апелираме до институцијата Детски Културен Центар, како организатор на наведените активности да си ги ревидира своите ставови, кон наведениот пропуст од нивна страна и да си превземе соодветни мерки“, се вели во соопштението до јавноста.
>>„Мала грешка“ – поповите требало да бидат Кирил и Методиј
Инаку денеска директорката на Детскиот културен центар, Ружица Ѓорѓевска, изјави дека станува збор за мала грешка.
„Двете момчиња кои на плоштадот Македонија до вчера носеа свештена облека, требало да бидат облечени во облека која ја носеле македонските просветители. Во МТВ по грешка им дале попска облека, згора и петрафил, па настана проблем“, рече Ѓоревска.
Инаку православната заедница реагираше дека со овој начин на претставување на свештените лица се прави поигрување со верата.