„Гардијан“, „Хералд“, „Дејли Рекорд“, „Тајмс“ и уште неколку други значајни медиуми во областа на културата, со највисоки почести пишуваат за музиката на македонскиот композитор Никола Коџабашија.
На делото Орестија – „Оваа неспокојна куќа“, режирано од Зини Херис а со автентична музика од Коџабашија, Гардијан му доделува 5 ѕвезди и пишува:
„Автентичната музика на Никола Коџабашија од атонални пијано акорди, партални перкусии и шепот го дефинираат просторот за претставата…експлодира во душевна какофонија, алармирачка, еден вид израз на суровиот безизлез до кој дошле карактерите“.
Исто толку ѕвездички на претставата им даваат и „Ривјуз хаб“ како и „Скотсман“ кои за музиката на Коџабашија пишуваат дека покажал колку е важна таа како сегмент во делото.
Шкотскиот „Хералд“ нагласува:
„Неусогласеноста и бучавата од автентичната музика на Никола Коџабашија…која експлодира…бруталниот хаос од крв и месо под палката на Херис и силниот енсамбл се благослов и клетва на оваа реиновација“.
„Стејџ“, „Дејли Рекорд“, „Бродвејбејби“, „Тајмс“ и „Телеграф“ сите уфрлаат по некој епитет плус за музиката на Коџабашија која не помина незабележано од аудиториумот надвор од земјава.