По насилните судири во Скопје минатата недела, полицијата будно ги следи новите повици за протести на социјалните мрежи.
Македонската полиција изрази загриженост откако на Facebook се појавија групи кои повикуваат на нови протести во петок против, како што тие ја нарекуваат “анти-албанската политика” на земјата и “тортура и напади врз Албанците” извршени од страна на етнички македонското мнозинство.
Некои Фејсбук групи ги повикаа луѓето да протестираат пред зградата на владата по завршувањето на пладневната молитва во џамијата Јаја-паша, во општина Чаир.
„Никој официјално нема најавено протест за в петок, но ние сме свесни за повици на социјалните мрежи и будно ја следиме ситуацијата”, изјавил за BIRN, полицискиот портпарол Иво Котевски.
Полицијата повикува на воздржаност, но предупреди дека хулиганите ќе биде казнет.
МВР врз основа на направена идентификација од снимките добиени од медиумите синоќа на разговор повика десет лица кои биле дел од инцидентите.
За пет од нив, соопшти денеска од МВР, постојат сомненија дека се инволвирани во петочните инциденти, додека останатите во инцидентите кои се случија во саботата.
Три од лицата кои биле повикани на разговор во полиција се малолетници. Против сите за кои ќе има доволно докази ќе бидат процесуирани соодветни пријави.