На четири месеци од набавката на новите полициски возила Министерството за внатрешни работи распиша нов тендер за набавка на автомобили.
МВР во четвртокот објавило јавен повик за прибирање понуди за набавка на нови 100 моторни возила во полициска изведба. Предвидено е тендерот да трае 40 дена, односно отворањето на понудите кои ќе пристигнат во наведениот рок е закажано за 5 јуни годинава.
Како и во претходниот тендер при набавка на полициските возила, соопшти денеска МВР, повторно единствен услов е цената на која отпаѓаат сите бодови, односно јавната набавка ќе му припадне на оној понудувач кој што ќе конкурира со најниска цена на електронската аукција која што ќе биде дополнително закажана.
Во јануари годинава МВР ги презентираше новите полициски возила „шкода јети“, кои ги заменија дотраените „крајслери“.
Минатата година „Порше Македонија“ го доби тендерот за новите возила на МВР.