Против Русинот Денис Червов кој вчера упадна во претседателската вила на Водно поднесена е прекршочна пријава и тој е сместен во Транзитниот центар за странци и наскоро ќе биде депортиран од државата, информираа за НОВА, Иво Котевски, потпарол на МВР.
Според информациите на МВР за Червов нема никакви сомненија дека претставувал закана по безбедноста на претседателот Горѓе Иванов. Тој во државава престојувал на покана на Методистичка црква, а во вилата на Водно влегол од љубопитност и покрај ознаките за забранет влез.
>>Непоканет гостин упаднал во претседателската вила на Иванов
Непоканетиот гостин вчера околу 10 часот се обидел да ја прескокне оградата од задната страна на вилата, по што бил забележан од системот за видео надзор.
По интервенцијата претседателската служба за обезбедување, тој бил пренесен во полициска станица, каде што било откриено дека станува збор за 33 годишен руски државјанин.