Грчкиот пејач Демис Русос почина на 68-годишна возраст во Атина. Русос продаде над 60 милиони албуми низ светот.
Тој во историјата на музичката индустрија ќе остане запаметен по хитовите Forever and Ever, Goodbye, Quand je t’aime и други.
Беше член на прогресивната рок група Детето на Афродита.
Веќе некое време Демис Русос престојуваше во приватна болница, борејќи се подолго време со болеста.
Роден е во Александрија во Египет 1946 година. Татко му бил Грк а мајка му Египќанка со италијанско потекло.
Во 70-тите Русос уживаше голема популарност а беше на врвот на музичките листи во неколку земји со хитот Foreven and Ever.
Самиот изјави дека пазарот во Велика Британија му бил еден од најважните во кариерата и продажбата на милиони албуми.