На барање на министерот за трговија на Србија, Расим Љајиќ, од секретаријатот на ЦЕФТА за одржување на вонредна седница заради мерките кои ги воведе Македонија, со што „е прекршен ЦЕФТА договорот“, меѓународна организација за слободна трговија закажа вонредна седнива на 22 јули, објавува агенцијата Бета.
Србија се уште не воведе никакви реципрочни мерки против Македонија. Но, уште во петокот српската Влада најави реципрочни мерки доколку во наредните 10 дена не се реши проблемот со ограничувањето на увозот од Македонија на српското брашно и пченица. Во спротивно, српската Влада предложи ограничување на увозот од Македонија на македонското вино и на доматите.
Владата на Македонија воведе мерки со кои од 1 јули за секој килограм увезена пченица, увозниците се обврзани да купат три килограми од домашната пченица, а за килограм брашно увезено од Србија, треба да се купат четири килограми од македонската пченица.
(фото:МИА)