На Косово била уапсена група од шестмина косовски Албанци, која е осомничена за организирање терористички нападиПолицијата претпоставува дека групата е поврзана со терористичката мрежа Ал Каеда, пишува приштинскиот весник „Зери“.
Уапсените планирале напади врз Гнилање и езерото Грмија во Приштина, а еден од осомничените војувал во Сирија. При апсењето во нивните куќи било откриено оружје и големо количество на експлозиви, поврзани со мобилни телефони и подготвени за детонирање.
Според весникот, телефоните на уапсените биле прислушувани неколку месеци. Групата била составена од млади луѓе од Приштина и Гњилане.
Се претпоставува дека двајца членови на оваа група извршиле напад врз двајца американски државјани, активисти на религиозна организација, кои делеле брошури со верска содржина во Косово.