Доктор Дамир Тепшиќ, матичен лекар од Самоков е добитник на наградата „Св. Наум Охридски“за особени постигнувања во здравството, највисокото признание на Лекарската комора на РМ.
Доктор Тепшиќ во ПРОЦЕС, говори за тешките услови во кои опслужува 24 населени места на територија од 80 километри, за тоа како е и матичен лекар и брза помош и домашна посета, дека не му се туѓи ниту породувањата. Како на коњ на минус 15, по снег патува со часови за да стигне до своите пациенти. На докторот што 17 години, секој ден по 24 часа е на располагање на своите пациенти, државата 10 години не му плаќала надоместок за одалеченост и рурална средина и со тоа му должи 20 000 евра.