Сквер Јадран во Центарод денеска и утре е домаќин на светски познати артисти од Германија, Бугарија, Холандија, Португалија, Србија, Босна и Херцеговина и Македонија кои се дел од Меѓународниот фестивал за улична уметност за живите статуи, “Урбан фест“.
Идејата за фестивалот е од групата “Театроск“ која настапува долги години ширум Европа и со фестивалот сака Скопје да го доближи до Европа.
Во двата фестивалски дена, артисти од речиси цела Европа, кои се веќе проверени и докажани на светско ниво, успешни со години во областа на уметноста на живите статуи, ангажирани преку целата година на најразлични фестивали.
Настапот на живите статуи и во двата дена почнува во истиот термин од 19: 00 часот и завршува во 21:00ч.
Денеска за време на концертот на џез составот од Скопје „Летечки Пекинезери“ ќе настапат и артистите од „Европски Статуа Проект“ во кој свое учсетво земаат повеќмина артисти кои директно ја анимираат публиката присутна на местото каде што се случува фестивалот.
Во текот на денот свој музички сет ќе имаат и локалните DJ – и DJ Бугимен и DJ Шурбе.
Во 21:00 часот почнува концертот на „Фолтин“ кој ќе трае до 22:30 часот.
На Урбан Фест ќе учествуваат и младите Сараeвчани „Бетонци“, веќе докажани со својата уметност. „Бетонци“ во текот на двата фестивалски дена ќе цртаат 3D ликовна уметност на „Сквер Јадран“.
Урбан фест е првиот фестивал кој на македонската публика ќе и’ овозможи вакво незаборавно светско искуство.
Општина Центар застана зад овој проект и го поддржа затоа што, како што на прес конференцијата рече градоначалникот Андреј Жерновски, се работи за прекрасен проект, познат и признат во сите светски метрополи.
Вообичаеното донирање во шапките на артистите ќе биде наменето за лекување на самохраната мајка Наташа, која боледува од рак.