Надзорната комисија за поплавите во Скопско никако не може да започне со сослушување на сведоците, бидејќи пратениците од 11 часот до сега си држат лекции едни на други како треба да се одвива сослушувањето.
Претседателот на Комисијата Панче Орцев пред малку ја даде и трета пауза, а седницата ќе продолжи во 16.30 часот.
Орцев и пратеничката група на СДСМ бараат сослушувањето да се одвива, како што велат, според Деловникот, односно секој сведок да има по пет минути излагање, а потоа претставниците на пратеничките групи на СДСМ и на ВМРО ДПМНЕ наизменично да имаат по 5 минути за прашања и одговори.
Од ВМРО ДПМНЕ пак, бараат Орцев на гласање да го стави нивниот предлог за сослушување на сведоците, спопед кој, да има по три минути исказ на сведокот и потоа по три минути за прашање и три минути за одговор на наизменичните прашања на претставниците од ВМРО ДПМНЕ и СДСМ.
Работата на Комисијата изминативе 4 часа се одвива во тензична атмосфера во која претставниците на ВМРО ДПМНЕ го обвинуваат Орцев дека расправата ја започнал со осуда на сведоците, иако финкцијата на Комисијата е да утврди дали евентуално има пропуст на институциите и да утврди исклучиво политичка одговорност.
Од друга страна, аргументот на опозицијата е дека ВМРО ДПМНЕ со процедурални искази се обуидува да ја одолговлече работата на Комисијата за сведоците да не бидат сослушани.
Расправата е по барање на пратениците на СДСМ во Комисијата за земјоделство, шумарство и водостопанство.
Според планираното, треба ќе бидат сослушани 30 сегашни и поранешни функционери, меѓу кои и четворица поранешни премиери во чии мандати беше градена обиколницата од 2002 до 2006 година.
На сдницата се присутни вицепремиерот Никола Тодоров, како шеф на Кризниот штаб на Владата, Оливер Ромевски, директорот на УХМР, Михаил Цветков, министерот за земјоделство, Тони Мартиновски, директорот на „Скопско Поле“, Жарко Караџоски, директорот на „Македонски шуми“, Коце Трајановски и Тони Трајковски, градоначалниците на Скопје и на општина Гази Баба, кои треба да бидат сослушани денеска.
По барање на пратениците на СДСМ покана е испратена до лидерот на ВМРО ДПМНЕ и екс премиер Никола Груевски, ддоека пратениците на ВМРО ДПМНЕ на сведочење ги повикаа екс премиерите од СДСМ Бранко Црвенковски, Хари Костов и Владо Бучковски.
Поранешните премиери најверојатно ќе бидат сослушани наредната недела.