Во градовите низ Босна и Херцеговина за денеска се најавени нови протести, кои во изминативе два дена се проширија од Тузла низ другите градови.
Вчерешниот протест во Тузла ескалираше кога дојде до судир меѓу полицијата и граѓаните, во моментов ситуацијата е мирна, пренесуваат тамошните медиуми.
Граѓаните на БИХ и денеска ќе излезат на улиците со барање на своите основни права.
Протести се наjaвени во Тузла, Сараево, Приједор, Бугоњо, Ораше, Луковац, Бања Лука, Зеница…
Масовното изразување на незадоволството на граѓаните започна пред два дена кога пред Владата на Тузланскиот кантон излегоа обесправените работници на неколку фирми, невработени и граѓани.
Демонстрантите се собраа во масовен број палеа контејнери и гуми, а зградата на Владата на Тузланскиот кантон е демолирана.
Полицијата употреби солзавец за да ги растера граѓаните, голем број се повредни и уапсени.
Според службата за итна помош во Тузла до вчера во 20 часот биле примени 102 полицајци со тешки повреди, а 28 цивили биле полесно повредени.
Имаше судир меѓу полицијата и граѓаните и пред владината зграда во Сараево. Демонстрантите запалија неколку контејнери и неколку часа ја блокираа главната сообраќајница Скендерија. Зградата на владата беше каменувана и беа фрлани јајца.