Лавина затрупа 20 лица во авганистанската провинција Кунар, на истокот на земјата, пренесува РИА Новости, повикувајќи се на локалната ТВ Толо њуз.
Според властите во Кунар, од под лавината се извлечени 15 тела, а од 15 до 20 лица се уште се водат за исчезнати.
Лавината погодила областа во близина на Пакистан, доцна на 6 февруари.
Меѓу жртвите има локални луѓе кои се обиделе да ги спасат затрупаните под обилниот снег.
Обилен снег паднал во неколку авганистански провинции, вклучувајќи ги Мајдан Вардак, Парван Панџир, Бадакшан и Баглан, а снегот блокирал и многу патишта.
Минатиот месец, локалните медиуми објавија дека најмалку пет жители на провинцијата Бадакшан загинале поради обилниот снег во областа Рагистан.