Најмалку 25 Палестинци загинаа при израелски артилериски напади врз Појасот Газа, пренесоа агенциите, цитирајќи го Ашраф ал кедри, портпаролот на Министерството за здравство на палестинската енклава.
Тринаесетмина се загинати при бомбардирање на градот Џабалија, во северниот дел на Појасот. Меѓу нив е и вработен на службите за итна помош. При бомбардирањето, извршен од израелски тенкови источно од градот, беа повредени 40 лица.
Уште 12 Палестинци се убиени при бомбардирање на северниот, источниот и јужниот дел на Појасот Газа, соопштил Ал кедри.
Осум лица, членови на едно семејство, беа убиени во израелски воздушен напад во јужниот дел на Појасот Газа.
Вкупно жртвите на израелската воена офанзива достигнаа 1241 убиени и над 7000 повредени