При известување на НОВА на избирачкото место во Дом на Градежници, беше физички нападната новинарка од нашата екипа од страна на две лица: гласач и член на избирачкиот одбор, при обид репортерката да направи обид за видео- запис на гласачи-жители од Пустец.
Гласачот интервенирал во моментот кога ја забележал прес-картичката, при што со викање ја повикал полицијата за наводно физички напад врз него од страна на репортерката на НОВА, која воопшто немала никаков физички контакт со него. По влегувањето на местото на гласање, членот на избирачкиот одбор ја нападнал репортерката, додека полицијата мирно стоела на страна и не интервенирала воопшто.
После 2 часа од инцидентот, полицијата ја повикала репортерката за да ја легитимираат, со образложение дека ваква наредба им дале од повисоки инстанци од МВР. При тоа, полицајците одбиле да се легитимираат пред новинарката и ја посоветувале да не презема ништо, затоа што се ќе биде на нејзина штета.