Еден полицаец е повреден при нападот на 40 тина маскирани на ЛГБТ центарот во старата скопска чаршија. Напаѓачите во трчање покрај канцеларија каде стоеле двајца полицајци набрзина почнале да фрлаат со камења по што веднаш избегале.
Нападот се случил околу 18 часот кога започна проекцијата на филмови во ЛГБТ Центарот за поддршка.
Од Коалицијата за сексуални и здравствени права на маргинализираните заедници, една од организациите која го организира настанот, потврдуваат дека десетици маскирани лица со камења и шишиња го нападнале Центарот.
МВР го потврди инцидентот.
Денеска беше најавена „Контра геј-парада“, која не се одржа, а Коалицијата за сексуални и здравствени права на маргинализираните заедници и Хелсиншкиот комитет до полицијата поднесоа кривична пријава против анонимните организатори на овој настан.