Во Ватикан се собраа сите 115 кардинали кои што пред Велигден треба да изберат нова папа.
Виетнамскиот кардинал Жан-Батист Ман им се придружи денес на своите колеги во дискусиите кои се водат во Ватикан.
Неговото присуство значи дека сега може да се одреди датумот на конклавата, односно изборот на наследникот на Бенедикт XVI, кој се повлече минатиот месец по осум години поминати на должност.
Од понеделник кардиналите одржуваат подготвителни состаноци и молитви познато како „општи конгрегации“ пред почетокот на конклавата.
Дискусиите се водат под заклетва за тајност, но италијанските весници објавија детали од проблемите кои се тема на нивните дебати со кои се соочува црквата.
На дневен ред е реформата на ватиканската бирократија, позната како Курија, како и на Ватиканската банка .
Минатата година европските регулатори изјавија дека банката не прави доволно во борбата против перењето пари.
Персоналот во Ватикан ја подготвува Сикстинската капела, каде ќе се одржи коклавата, ги поставуваат двете печки од кои ќе излезе белиот чад од запалените гласачки ливчиња, кога новиот папа ќе биде избран со двотренско мнозинство.